ಮನೆಯಿಂದ ಹೊರಟಾಗ ೭ ಗಂಟೆಯಾಗಿ ಹೋಗಿತ್ತು. ಇನ್ನು ಹತ್ತೆ ನಿಮಿಷ. ಅಷ್ಟರಲ್ಲಿ ೨ ಕಿ ಮಿ ದೂರ ಇರುವ ಬಸ್ ಸ್ಟ್ಯಾಂಡ್ ತಲುಪ ಬೇಕು. ಆ ಬಸ್ ಮಿಸ್ ಆದರೆ ಮುಂದಿನ ಬಸ್ ಇರೋದು ೯ ಗಂಟೆಗೆ. ಬೈಕ್ ಸ್ಟಾರ್ಟ್ ಮಾಡುವಾಗ ಏನಾದರು ಮರೆಯಿತೋ ಎಂದು ಯೋಚನೆ ಮಾಡುತ್ತ ಮಾಡುತ್ತ ಮುಂದೆ ಹೋಗುತ್ತಿದ್ದ ಟೈಮ್ ಅನ್ನೇ ಮರೆತು ಬಿಟ್ಟೆ.
ಅಂತು ಇಂತು ಬಸ್ ಸ್ಟ್ಯಾಂಡ್ ತಲುಪಿದಾಗ, ಬಂಗಾರಪ್ಪ ಕಟ್ಟಿಸಿದ ಬಸ್ ಸ್ಟ್ಯಾಂಡ್ ನನ್ನ ನೋಡಿ ಮುಸಿ ಮುಸಿ ನಗುತ್ತಿತ್ತೋ ಎಂದು ಅನಿಸಿತು. ಬಸ್ ಮಿಸ್ ಆಗಿರೋದು ಗ್ಯಾರಂಟಿ ಅಂತ ಅರಿವು ಹೇಳಿತು. ಹಿಂದೆ ಕುಳಿತಿದ್ದ ಅಪ್ಪ ಕೂಡ ಹಾಗೆ ಹೇಳಿದ.
ಹೊಡಿ.
ಸುಮಾರು ೫ ಕಿ ಮಿ ನಂತರ ಬಸ್ chase ಮಾಡಿದ ಹೆಮ್ಮೆ ನನ್ನ ಬೈಕ್ ಗೆ.
ಸಾಗರ ತಲುಪುವುದಕ್ಕೂ, ಮೊಬೈಲ್ ರಿಂಗ್ ಆಗುವುದಕ್ಕೂ ಏನು ಕನೆಕ್ಷನ್ ಎಂದು ಯೋಚಿಸುತ್ತ ಕಾಲ್ receive ಮಾಡಿದೆ. 'ಇನ್ನು ೧೦ ನಿಮಿಷದಲ್ಲಿ ಸಾಗರ ದಲ್ಲಿ ಇರುತ್ತೇವೆ' ಎಂದ ರಾಹುಲ್. ಪರಮಾತ್ಮ, ೯ ೩೦ ಎಂದು ಹೇಳಿದವರು ಫುಲ್ ೧ ಗಂಟೆ ೨೦ ನಿಮಿಷ ಮೊದಲೇ ಬಂದಿದ್ದಾರೆ. ಒಂದೊಂದು ನಿಮಿಷವೂ important ಅಂತ ಬಸ್ ಮಿಸ್ ಆದಾಗಲೂ ನನಗೆ ಅನಿಸಿರಲಿಲ್ಲ.
ಪಕ್ಕದಲ್ಲೇ ಇದ್ದ ಆಟೋದವನ ಕಣ್ಣು ನನ್ನನ್ನೇ ನೋಡುತ್ತಾ ಇತ್ತು. 'mamcos ಗೆ ಹೋಗು' ಎಂದಾಗ ಅವನ ಕಣ್ಣಲ್ಲಿನ ನಿರಾಸೆ ಯನ್ನು ನಾನು ನೋಡಿದರೂ ಗಮನಿಸಲಿಲ್ಲ. ೫ ದೇ ನಿಮಿಷದಲ್ಲಿ ಆಟೋ mamcos ಬಳಿ ಇತ್ತು, ನಾನು oracle server ಬಳಿ ಇದ್ದೆ.
ಮತ್ತೆ ಕಾಲ್. 'already ಸಾಗರ ತಲುಪಿದ್ದೇವೆ' ಎಂದ ರಾಹುಲ್. ಇಲ್ಲಿ Oracle database corrupt ಆಗಿತ್ತು. '೧೫ ದೇ ನಿಮಿಷ, ಬಂದು ಬಿಟ್ಟೆ' ಎಂದಾಗ ನನಗೇ ಅದು ಸಾಧ್ಯವೇ ಎನಿಸಿತ್ತು.
೯ ಗಂಟೆ. 'ಇಲ್ಲ ಇನ್ನು wait ಮಾಡಲು ಆಗೋಲ್ಲ. ಒಂದು ಕೆಲಸ ಮಾಡು, ನಾವು ಸತ್ಯನ ಮನೆಗೆ ಹೋಗಿ ರೆಡಿ ಆಗಿರುತ್ತೇವೆ. ನೀನು ೯.೩೦ ಗೆ ಇರೋ next ಬಸ್ ಗೆ ಬಾ' ಎಂದು ಹೇಳುತ್ತಾ ರಾಹುಲ್ ಫೋನ್ ಕಟ್ ಮಾಡಿದ. Oracle database up ಆಗಲೇ ಇಲ್ಲ. ಶನಿವಾರ ಬೇರೆ.
ಯಾವುದಾದರೂ ಒಂದನ್ನು ಕೈ ಬಿಡಲೇ ಬೇಕು. ಫ್ರೆಂಡ್ಸ್ ಜೊತೆಗಿನ ಟ್ರಿಪ್? ಅಥವಾ ಕ್ಲೈಂಟ್ server
ಸರಿ ಮಾಡುವುದು. "ಎರಡೂ ದೋಣಿ ಲಿ ಕಾಲು ಇಟ್ಟರೆ, ಮುಳುಗೂದು ನೀನೆ ಹೊರತು ದೋಣಿ ಅಲ್ಲ" ಎಂದಿತು ಮನಸ್ಸು.
'ದೋಣಿಗೆ ಈಜು ಬರುತ್ತಾ?!'...
ಕೊನೆ ಗೆ ಹೊಳೆದಿದ್ದೇ ಆ ಉಪಾಯ. ಎರಡನೇ ದೋಣಿಯನ್ನು ಆಫೀಸ್ ಗೆ ಪಾರ್ಸೆಲ್ ಮಾಡಿಬಿಟ್ಟೆ. ಮ್ಯಮ್ಕಾಸ್ ನವರು ಒಲ್ಲದ ಮನಸಿನಿಂದ ನನ್ನನ್ನು ಮೇನ್ ಬಸ್ ಸ್ಟ್ಯಾಂಡ್ ಗೆ ಡ್ರಾಪ್ ಮಾಡಿದರು. ೯ ೩೦ ಗೆ ಕಾರ್ಗಲ್ ಹೋಗುವ ಬಸ್ಸೆಂಬ ದೋಣಿಯಲ್ಲಿ ನಾನಿದ್ದೆ. ನಂತರ ಪೂರ್ತಿ ನಿದ್ದೆ.
ಕಾರ್ಗಲ್. ಜೋಗ ದಿಂದ ೫ ಕಿ ಮಿ ದೂರದ ಸುಂದರ ಊರು. ಅಲ್ಲಿ ತಲುಪಿದಾಗ ೧೦ ೧೫. ಅಷ್ಟರಲ್ಲಿ ನನ್ನ ಸಪ್ತ ಮಿತ್ರರು ಸ್ನಾನ ತಿಂಡಿ ತಿಂದು ರೆಡಿ ಯಾಗಿದ್ದರು. ನನಗೂ ರುಚಿಯಾದ ಕೇಸರಿ ಬಾತ್, ಇಡ್ಲಿ ತಿನ್ನುವ ಭಾಗ್ಯ. ಕಾನೂರಿಗೆ ಹೋಗುವ ಜೀಪ್ ಕೂಡ ರೆಡಿ ಯಾಗಿತ್ತು. ಪಾಪ, ಕ್ಯೂ ನಲ್ಲಿದ್ದ ಇಡ್ಲಿಗಳು ಬೇಗ ಬೇಗ ಬಾಯಿ ಸೇರಿದವು.
ಮುಂದಿನ ಐದೇ ನಿಮಿಷದಲ್ಲಿ ಮೇನ್ ರೋಡ್ ಜೀಪಿನ tyre ಕೆಳಗೆ ಸವೆದು ಹೋಗುತ್ತಿತ್ತು.
(ತಿರುಗಾಟ - ಮುಂದುವರೆಯುತ್ತೆ...)
